Matua-Te-Kore: The Mysteries Of The Unknown

About

Io-Matua-Kore: Rebuilding The Io Religion For a Modern Time.

Story

This page is about rebuilding Iotanga as a lifestyle to reclaim our true spiritual potential and identity.

Mission

The amplification of Iotanga (Māori Creator Spirit) worldwide.

Impressum

Papa te whaititiri ki Hawaiki, hikohiko mai te uira ki Te Ika Whenua, He wana kanapū ki te Tangata. Maia ea te mana tapu o Io-matua kore. Mai Te Kore ki Te Ao Marama te wairua teitei o ngā mea katoa.
Ko Io Nui
Ko Io Roa
Ko Io Te Matua
Ko Io Te Pūkenga
Ko Io Te Wānanga
Ko Io Te Matua Te Kore
Te Kauhangahanga nui
Te Kauhangahanga roa
Te Kauhangahanga matua
Te Angaanga i titi iho ki te rangi
Kai raro i te mana tapu o Io-matua-kore, mai Te Kore ki Te Ao Marama. Ka whakapuakitia mātou, ko Te Kauhangaroa - Ngā Tōhunga Pouwhenua. Ko te mana tapu me te rangatiratanga tēnei o ngā Whare Wānanga, o ngā Whare Pūkenga, o ngā Whare Maire, o ngā Whare Makatea, o Ngā Whare Tāhū Kōrero katoa. Te Kaitiakitanga o Te Tōhungatanga me Te Whare Wānanga. Ko te whakapuakitanga me te whakaputanga tēnei ki raro i te mana me te tapu o Te Kauhangaroa - Ngā Tōhunga Pouwhenua. Koia ēnei ko ngā Tōhunga Teitei o Ngā Whare Wānanga Katoa o Te Ao Marama. Ngā ihi, ngā wehi, ngā mana me te kaitiakitanga o te Tōhungatanga.
Ki ngā Tōhunga Pouwhenua, ki ngā pūkenga, ki ngā wānanga e hāpai nei i ngā mana tapu me ngā kōrero tapu i takea mai i Te Moana Nui a Kiwa, Mai Hawaiki ki Te Ikaroa a Māui Tikitiki a Taranga. Tū Te Ihi, Tū Te Wehi, Tū Te Wana. Mai i Te Wairua Teitei o Io-matua-kore, ki a Tānemāhuta, ka tūtapa mai te kawa, ko te kawa tapu tēnei o ngā Tōhunga Pouwhenua me ngā Whare Wānanga Tapu. Ko taia te kawa, ko te tika me te pono. Ko oranga nuitanga, te oranga roatanga. Tutakina-i-te-mauri, Tutakina-i-te-hā-ora, Tutakina-i-te-wairua, Tutakina-i-te-mana, Tutakina-i-te-iwi. Ko mātou ngā kai whakapupuri i te mauri tapu o Te Kauhangahangatapu o Te Kauhangaroa, mō te whenua tapu e takoto nei o Aotearoa. Te whenua a Māui. Uhi wero tau mai te mauri, Hara mai te toki. Haumi e Hui e Tāiki e.